Trappuroknari

Góð ráð og heint at vita

• Trinformilin: Ein góð trappa fylgir ofta formlinum:
  2 × (trinhædd) + (trindýbd) = 610-630 mm.
  Hetta tryggjar, at trappan er løtt og náttúrlig at ganga í. Roknarin roynir altíð at raka hetta ynskið so væl sum gjørligt, tá ið tú velur "Vanlig".
• Val av Vangum (Trækubbar): Roknarin tryggjar í minsta lagi ~100mm samanhangandi við uttanfyri skurðirnar í vanganum. Um hetta krevur meira enn 45x245mm, roknar hann sjálvvirkandi við Trækubbum. D.v.s. at ein 45x145mm planki verður brúktur sum vangi, og trækubbar verða skrúvaðir á fyri at halda trinum. (Til minni trappur, t.d. 3-4 trin, ber ofta til at brúka 45x95mm ístaðin fyri 45x145mm sum vangagrundlag).
• Trin fjalir: Til vanliga nýtslu er væl egnað at brúka vanlig terrassubrettir (t.d. 28x120mm ella 28x145mm) til trinnini. Um trappan verður nógv brúkt, ella um frástøðan millum vangarnar er stór, kann tað vera ein fyrimunur at brúka tjukkari tilfar, sum t.d. 45x145mm konstruktiónstræ, fyri meira styrki.
• Skrúvur og festing: Tað viðmælist altíð at brúka góðar uttandura skrúvur. Til terrassubrettir (28mm) hóska 5.0x60mm væl. Um tú brúkar 45mm tjúkkar fjalir, brúka so 5.0x90mm skrúvur. Til at samla vangarnar og pallin, viðmælist at brúka sterkar konstruktiónsskrúvur ella vinkulbesløg. Brúka fegin rustfrítt (A2/A4) ella sýrufast tilfar, serliga um trappan er útsett fyri veður og vind.
• Byggifrælsi: Endamálið við hesum roknara er, at geva tær røttu mátini, vinklarnar (skeritegning) og neyvan tilfarslista. Tekningarnar vísa eitt standard dømi, men tú hevur sjálvsagt fullt frælsi at smíða og samla trappuna og trappuplattin sum tær lystir. Skering og tilfar er tað sama óansæð hvussu trappan verður smíða, um mátini eru tey somu.